District Children Science Congress neih a ni

#ZONEWS Aizawl October 16, 2025 : Vawiin khan district dang te rualin Samagra Shiksha leh STAM tangkawpin Edn. Conference hall, DEO office ah District Children Science Congress an hmang. He hunah hian Pi Laldingliani Ralte, DyDPC Samagra in opening function kaihruaiin, pu Nelson Khiangte, Dist Coordinator in report a pe a, khuallian pi K. Lalsiamliani, DEO leh DPC Samagra in child scientist te leh guide te fuihna thu a sawiin, participation kum dang aia a that avangin lawmthu a sawi bawk.

Opening function zawh hian child scientist ten an zirbingna(research) presentation an tan nghal a, school 14 atangin project 15 a lut a, high school 5 leh middle school 10 ten project competition an nei a ni.

A titha zual 4 te hi November 26-27 ah State Level Children Science Congress a presentation nei turin Aizawl an pan leh ang.

Congress ah hian evaluator atan a hnuaia tarlan te hi rawih an ni:

Pi Rosangzuali Varte, Asst. Prof, Govt. Champhai College (Botany)
Pu Zosiamliana Colney, Asst. Prof, Govt.Champhai College (Zoology)
Pu J Lalramnghaka, Asst. Prof, Govt. Champhai College

He intihsiakna a lawmman la te :

Middle School Section
1. Ramnunsangi Govt. Hnahlan M/S
2. T Malsawmtluangi, Bethel Mission School
3 Lalrinkimi, Govt. Khawbung M/S

Secondary Section
1 Lalrinchhana Govt. Khawbung H/S
2 Rinchungnungi, Govt. GM H/S
3 Esther Lalchhanchhuahi, Einstein H/S