Saitualah Independence Day 2025 lawm dan tur rel

#ZONEWS July 18, 2025: Vawiin khan DC Conference Hall, Saitualah District Bawrhsap Dr. Lalngura Tlau kaihhruainain kumin Independence Day 2025 lawm dan tur relin thutkhawmna neih a ni.

Vawiin thutkhawmah hian Independence Day 2025 hman dan tur te ngaihtuahho niin, hlawhtling leh tluang taka hman a nih theih nan Sawrkar department hrang hrang te chu chanvo pek nghal an ni.

Independence Day 2025 hi zing dar 10:00, August ni 15, 2025 hian Keifang Centenary Sports Complex-ah neih tura rel niin, khuallian atan Pu F. Rodingliana, Minister of State, Power & Electricity chu sawm tum a ni. Independence Day lawmna hun hman zawhah hian sawm bikte tan DC Bangla-ah “VIP at home” programme neih tura ruahhmanna siam a ni.

He hunah hian District Bawrhsap Dr. Lalngura Tlau chuan kan ram zalenna ni ropui tak chu tluang taka hman a nih theih nan khawtlang hruaitute leh department hotute chu an chanvo theuh te tha taka hlen chhuak turin a ngen a, thawhhona tha tak nei turin a sawm nghal bawk a ni.