#ZONEWS: Mamit district chhunga Land Pass khulchhuah chungchang a hriattirna

#ZONEWS July 11, 2025: Land Revenue & Settlement Department hnuaia Land Pass hrang hrang (LSC, House Pass, Periodic Patta, etc) dilna leh cadastral survey hmanga pass siam, Sawrkar phalna (Approval) awm tawh, mahse a diltuten an la khul chhuah loh tam tak LR&S, Mamit Deptt. ah Land Pass hrang hrang khul chhuah loh a awmte hi cancel a nih theihnan Sawrkar chuan Notification No.H.11018/6/2019-REV/Pt Dt. 23th November, 2021 pawh a lo tichhuak tawh a ni.

Hetianga mipuiten i ram pass LR&S Deptt. atanga i khul chhuah loh hian dan hnuaiah ram lak (acquisition) a nihin ram leilung hlutna (land value) compensation la thei lovin, thlai leh thildang hlutna compensation chauh te an lak theih phah thin a. Hemi bakah hian pass khul chhuah loh hian chhan dang hrang hrang avangin mipuiten harsatna nasa tak an tawk thin a, hemi avang hian Sawrkar chuan ngun tak a ngaihtuah leh in heng ram pass khul chhuah loh a awm mek te hi Notification No.H.11018/7/2020-REV Dt. 19.05.2025 hmangin a sut leh ta a ni.

Chuvang chuan inhmun lo ram pass diltu mipuiten khua leh tui tha kan nih theih nan leh inhmun lo ram chungchang buaina tam zawk kan pumpelh theih nan te loan lak a tangkai tak a kan hman theih nan te, Pass kan la khul chhuah loh zawng zawng te chu khulchhuak vek turin kan in hriattir a ni. Revenue pass khul chhuah lohte hi Dt. 31.08.2025 hmaa khul chhuak theuh tur in kan in hriattir a, hemi hun chhunga khul chhuak te chuan arrear tax an chawi dawn lo a ni.

Sl. No- 1 – Name of District LR&S Office-Mamit – (Pass khulh chhuahloh zat) LSC(Cadastral) – 600 – LSC – House Pass- 41 – WRC – Garden LSC-13 – P. Patta-15 – Total- 669

#zonews #chanchinthar #tualchhung #mamit