STATE ELECTION COMMISSIONER IN RULKUAL POLLING STATION TLAWH

#ZONEWS Lawngtlai November 4, 2025 : Lai Autonomous District Council (LADC) hnuaia 12th Member of District Council (MDC) inthlanpui 2025 – lo awm tur atan a inbuatsaihna kal zelah vawiin khan Dr. H. Lalthlangliana, Commissioner, State Election Commission (SEC), chuan Govt. Rulkual Middle School Polling Station- a tlawh a. Pu Vanlalchhuanawma Chhawngthu, Deputy Secretary (SEC), Pu Collin Hlychho Election Officer, leh Pu HS. Lalmuanpuia,SDPO- ten an tawiawm a ni.

Dr. H. Lalthlangliana, chuan inthlanna fel fai, thianghlim leh hlawhtling tak nei turin Election Official- ten theihtawp an chhuah mek zel tih tarlangin, SEC pawh an inpeih thawkhat tawh hle a ti a. Mipuiten zalen taka an aiawh an thlan ngei theihna tur a hmalak zel a ni tiin, chak taka hnathawh zel a ni ang a ti. Commissioner chuan inthlanna tur a Polling Station- mamawh leh awm turte tha tak a peihfel a nih tur thu a tarlang a. Ralmuang taka inthlan a nih theih nan a theihtawp chhuahpui turin khawtlang hruaituten a sawm nghal bawk.

Govt. Rulkual Middle School Polling Station – ah hian voter mipa – 181, hmeichhia – 189,  avaiin voter – 370 an awm a ni.