State Geological Programming Board (SGPB) meeting an nei

#ZONEWS Aizawl August 08, 2025: Vawiin khan kum tina neih thin State Geological Programming Board (SGPB) meeting chu Directorate of Geology & Mining huaihawtin Secretariat Conference Hall, MINECO, Aizawlah neih a ni.

He meeting hi SGPB Mizoram chairman Dr Lalzirmawia Chhangte, Commissioner & Secretary, Commerce & Industris Dept. (Geology & Mining) in a kaihruai a. Kum kalta 2024-2025 chhunga Geology & Mining Annual Report leh Citizen Charter 2024-25 tlangzarh niin nikum 2024 SGPB Meeting minute pawm a nih hnuah agenda hrang hrang member te atanga lo lut sawiho a ni.

He hunah hian kum kalta a workdone, action taken report te ngaihthlak niin Directorate of Geology & Mining, Geological Survey of India leh ONGC te atanga presentation ngaihthlak a sawiho a ni bawk.

District 11 atanga Deputy Commissioner leh an aiawh te, GSI, ONGC, OIL Ltd, project Pushpak, Central Water Commission, MZU (Geology Dept), PUC (Geology Dept) leh official dangte an tel bawk a ni.

He hunah hian Directorate of Geology & Mining lehg Geologcal Survey of India te lined department ten an an mamawhna sawiho niin Central Geological Programming Board Meeting a thlentur te thlitfim thin a ni bawk.

    Mizoram chhunga leilung hausakna Oil and Gas, lungalhthei (Coal) leh Minor Minerals (lung leh balu) te zawnchhuah chhunzawm leh laihchhuah dan tur sawiho a ni bawk