Zofate tan Nitin thuthar rintlak
#ZONEWS July 11, 2025: Natna hrileng inkaichhawn theih laka naupang leh nu naupai lai te invenna damdawi – vaccine lak chungchanga state pum huapa hma latu committee State Task Force on Immunization (STFI) chu an chairman Health Commissioner & Secretary Pu H. Lalengmawia hovin vawiin khan SAD Conference Hall, MINECO ah an thukhawm. Kum 2024-25 chhungin target 5% in khum a ni.
#ZONEWS July 11, 2025: Vawiin khan India ram puma Common Service Centre (CSC) din champhaphak ‘CSC Diwas’ chu Mizoramah pawh I&PR Conference Hall, Lianchhiari Run, Aizawlah hman a ni
#ZONEWS July 11, 2025: Vawiin khan I&PR Auditorium, CHANEM Building, Champhaiah Information & Public Relations Department, Mizoram Journalists’ Association, Champhai leh Mizoram Journalists’ Association, Khawzawl tangkawp chuan “Mizo Tawng Ziah Dan Dik” tih leh “Traditional vs. New Media” tih thupui hmangin Media Workshop an buatsaih a, Sub-Deputy Commissioner Pu Lalchhuanawma Ralte chu khual zahawm a ni.
ZONEWS July 11, 2025 : Sawrkar laipuia Ministry of Culture in June Ni 25 chu Samvidhan Hatya Diwas (Constitution Murder Day) a a lo puan tawh behchhanin Siaha District ah pawh he Ni pual hian vawiin khan DRDO conference Hall, Siaha-ah exhibition buatsaih a ni.
#ZONEWS July 11, 2025: Land Revenue & Settlement Department hnuaia Land Pass hrang hrang (LSC, House Pass, Periodic Patta, etc) dilna leh cadastral survey hmanga pass siam, Sawrkar phalna (Approval) awm tawh, mahse a diltuten an la khul chhuah loh tam tak LR&S, Mamit Deptt. ah Land Pass hrang hrang khul chhuah loh a awmte hi cancel a nih theihnan Sawrkar chuan Notification No.H.11018/6/2019-REV/Pt Dt. 23th November, 2021 pawh a lo tichhuak tawh a ni.
#ZONEWS July 10, 2025: Vawiin khan Hachhek MLA Pu Robert Romawia Royte chuan Raj Bhavan ah Gen. VP Singh Mizoram Governor chu kawmin Tuidam leh Darlak inkar kawng chhe lutuk chungchang te,CSR projects chungchangte,Aizawl FC chungchang te leh Mizoram hmasawnna tur projects te an sawi dun.
#ZONEWS July 10, 2025: Vawiin chawhnu khan Serchhip District AIDS Prevention and Control Committee (DAPCC) chu an Chairman Pu Paul L Khuma, District Bawrhsap hovin Pisapui Conference Hall-ah an thukhawm.
#ZONEWS July 10, 2025: Vawiin khan Establishment of Hnahthial District Veterinary Hospital, Laboratory & Quarter, cheng nuai 235 (Rs 235 lakhs) a sak, NABARD RIDF-XXVII hmanga fund chu AH&Vety Minister, Pu C. Lalsawivunga chuan khuallian niin a hawng a, Bialtu MLA, Pu Jeje Lalpekhlua chuan khual zahawm niin a tawiawm a ni.
#ZONEWS July 10, 2025: Mizoram Governor in a Discretionary Fund atangin Serchhip District-a Home pangate tan tanpuina sumfai a pe chhuak a. Serchhip DC Pu Paul L Khuma leh SDO (Sadar) Pi Rebecca Laldinmawii Hrahsel te chuan Governor aiawhin vawiin khan an sem chhuak a ni.
#ZONEWS July 10, 2025: Vawiin khan Assembly Constituency hrang hrang – Aizawl South II, Aizawl South III, Champhai North, Champhai South leh South Tuipui huamchhunga Booth Level Officers-te tan training buatsaih a ni. He training hi Election Commission of India in National Training Programme for Booth Level Officers July 2, 2025 – July 17, 2025 chhunga neih tur a tih angin buatsaih a ni. Assembly Constituency dangah pawh neih lehzel tur a ni a, District Election Officer ten anmahni district huamchhung theuhah training program hi an buatsaih dawn a ni.
