THAWT THAWT A!! – David Sailo

#ZONEWS #MIMAL_NGAIHDAN August 04, 2025:
Dampa bialtu MLA chu vanduaithlak takin a boral a, mawi takin, Party sawi lovin thlah liam a ni a, Legislator ho pawhin râl pawh an la ral lo, kar thar awm turah an ral dawn ni awm tak a ni.

Chutih laiin Party dang zawngin Candidate tur emaw, Nomination Committee hming emaw lam rik pawh an neih loh laiin Party pakhatah chuan zalen takin tu emaw a vei chak em em ni awm a nia, an Party Nomination Committee thu hla pawh hriat a la ni bik lo. Chutih lai chuan “Buana hmaa kherh” an sawi ang maiin buai em em pakhat a awm niin a lang a, Dampa bial a tlawh kualna Social Media ah thlalak nen lam a nau ten an Post zel bawk si. Mak tak a ni.

PU RINTLUANGA THLA A ZAHAWM :

Kan vui liam chauh a ni a, chu mai a ni lo, ECI lam atangin Bye-Election hun puan pawh a la awm lo. Chutih laia Party rawngkaia virpilh langsar awmchhun chu mi pakhat chiah hriat a la ni. Bialtu, Pu Rintluanga chhungte tan Social Media khawih tuiawm loh rawihna tham a ni !!

Hei hian a virpilh a, a buai phili a, zah a dawn lova, mahni hma a sial a, lo in Contest pawh nise VOTE tlak mihring a ni lo!!! (Makna pathum ka vawikhat hmanna)

PARTY ADMINISTRATION :

Chhe tak lantirtu mai a ni. Party hruaitu, he bial chungchanga thukhawm tak tak thawm pawh hriat hmaa, ZNP laia chumi zui tlattu, Minister chumi khami rinrawl tih angreng a nau ten Dampa Biala huaisâr taka an chetla an Post zawih zawih ngam te hi hruaitu lawk mimal ngaihdan (Green Signal) bik riau a hmu nge, an Party nawi zia a pho lang zawk tih hi bûk tham a ni. Opposition lam ai chuan an Party ah hian ngaitheilo tu a insiam hnem viau tawhin a rinawm.

HMANHMAWH VIAU A TUL EM NI?

Party chhungah chuan Congress leh MNF, BJP ah pawh pawnlama puangchhuak lovin inbuatsaihna chu a kal ru reng ang tih a chiang. Mahse chhiattawk chhungkua mitmei venna bakah ECI thuchhuak hriattur pawh awm hmaa Party pakhata za nghal cheng mai mihring leh a thuihruaite hian Vote an ti chakawm lo sa diam maithei!! Pu Rintluanga râl nan ti zawnga Vote a kal zui phei chuan P.A pawh ni pha tawh lova phum bo chi a ni hial ang, a virpilh e mai!!

TLIPNA :

Kan la inthlang em em ang. Candidate a dah loh theih loh tur khawpa Party thuchhuak leh sukthlek, boral chhungte tana hriat nuam lo khawpa Active em em an awm chuan an nau te, vawrh len tumtute nen lam hian Party pawt fualtua chhâla thunun hial chi an ni ang.