#ZONEWS July 9, 2025: Vawiin khan Kolasib DC Conference Hall ah Disha Study group thutkhawmna neih a ni a. He hun hi Pu Robert C Lalhmangaiha, Kolasib DC chuan kaihruaiin, Dr. Smarajit Chakraborty Adviser, NILERD (National Institute of Labour Economic, Research and Development) Niti Aayog, New Delhi in kalkhawmte zirtirna a pe a ni.

Thutkhawmna ahhian Dr. Smarajit Chakraborty chuan Dsha nihphung leh a thiltum te sawiin India ram district tinah a awm a ni, a ti a.

Disha chu India ram District tinah thla thum danah meeting awm thin in chung meeting te chu Member of Lok Sabha in a kaihhruai thin thu te leh DC chu member secretary annih thu tarlang in state level a Chief Minister kaihhruaina hnuaia meeting pawh state thenkhat chuan an kalpuitawh thin a ni, a ti bawk.

Dr. Smarajit Chakraborty chuan Sawrkar in scheme hrang hrang a neih ah thil tamtak a scheme ina a phak loh leh chinfel ngai te a awm thin a, chuang harsatna hrang hrang te thlenna leh sawihona chu Disha niin, a chinfel dantur leh hmalak dan tur chu meeting chuan a ngaihtuahsak thin a ni, a ti a; MP te kaltlanga Parliament thlenga an harsatna te putluh theihna hmanraw pawimawh tak a ni, a ti bawk. Disha chungchang sawi zelin Disha Dashboard leh central a Disha monitoring ah te harsatna leh scheme hrang hrang kalhmang te chiang zawka en theihna a awm thu a tarlang bawk a ni.

Thutkhawmna kaihruaitu Pu Robert C Lalhmangaiha, Kolasib DC chuan Disha zirchianna leh zirtirna pe tura Central atanga Dr. Smarajit Chakraborty alo kal thei chu lawmawm a tih thu sawiin, chu hun chu hmang tangkai a an harsatna te kimchang taka thlen turin kalkhawmte chu a ngen a. Mipuite harsatna tamtak sutkian nan leh an hmasawn nan sawrkar in scheme tamtak a duang a chung scheme te chu a scheme buaipuitu Department theuh ten kan bihchian a, a dawngtu tur diktak ten kim tak leh tha taka an dawn theihna tur atan kan bel hle a ngai a ni, a ti bawk.

Disha hi District Development Coordination and Monitoring Committee niin, Ministry of Rural Development hnuaia din a ni a. Disha hnuaia meeting hrang hrangte hian central sawrkar scheme hrang hrang te khaikhawmin chung scheme a harsatna leh hmalak dan tur te chu sawiho a ni thin a ni. Member of Parliament Chairman na hnuaia heng thutkhawmna te hi kalpui thin a nih avangin scheme thenkhat a harstana lian zual te chu Disha hmanga Parliament beng thleng thei tura ruahman a ni. Tarlan tawh angin, Chairman hi MP niin , DC te chu member secretary an ni thin bawk.

Vawiin thutkhawmna ahhian Dr. Smarajit Chakraborty in zirtirna a pek piahlamah questionaire chhanna hun te hman niin, Department aiawh kalkhawmten scheme an bawhzui na kawnga an harsatna theuh te an sawilang bawk. Thutkhawmna ahhian Dr. Smarajit Chakraborty bakah Kolasib DC Pu Robert C Lalhmangaiha te, Pu Lalmuan Puia (PD DRDO) te, Sub Hqrs YMA aiawhte, Women leh ST representatives te leh Disha study group member te an tel kim hle.

#zonews #chanchinthar #tualchhung