ZPM MLA TEN A HMUNA KAWNG CHHE SIAM AN VIL CHU INTIHLAR TUMNA DRAMA MAI MAI A NI TIH MNF THALAIIN KAN FINFIAH. – MNYF Hqrs

#ZONEWS July 31, 2025: Vawiin khân MNYF Headquarters chuan thuchhuah an lo siam tawh angin Buichali leh Khamrâng inkâr kawng chhe lai siamthat hna kal mek chu a hmunah an Vice President Pu Lalnunmawia Pautu hova enin ni tina vil tura inti ZPM Minister leh MLA-te duty dan a hmunah an enfiah a, MLA te a hmuna an duty dan chu INTIHLAR tumna Drama bawk a ni tih an finfiah a, Sum ti hektu, Engineer te leh hnathawktute tibuaitu mai mai an ni tih MNYF chuan a hmuchhuak chiang hle a ni.

Zoram mipuite’n kan châk lakluhna kawng ber a chhiat em avangin mipuite, sumdawngte, lirthei neitute leh khalhtute’n harsatna namen lo kan tawk mêk a. Nikum lama PWD Minister-in thal hmasa bera kawng siamthat a nih tur thu a sawi hnuah leh kawng siamna tur tia sawrkarin petrol/diesel cess ti a mipui sum cheng vbc 25 a laksak hnu pawha kan kawngte heti êm êma a chhia hi ZPM sawrkâr inthlahdah vang leh inkalpawhna kawng ngaih pawimawh loh vangah MNF Thalaite chuan kan ngai a.

Kawnpui to Khamrang road hi Mizoram sawrkârin a enkawl reng a, an mangan tawp furpui hnu July ni 7 2025 ah chauh NHIDCL kuta hlan a ni a, heti chunga ZPM sawrkârin mahni insawifihlim nan leh mipui bum nâna NHIDCL a burbun ta vek mai hi MNYF-te chuan a vanduaithlâk kan tiin mawhphurhna la ngam sawrkâr kan mamawh takzet a ni.

ZPM Minister leh MLA ten detailment siama Khamrang-Buichali road invilchhawk tur an inruat ta mai te hi a vanduaithlâkin PWD Minister-in a hna a tlin lohzia lannaah kan ngai a. PWD Minister hian a ngaihna a hre thlawt lo a nih chuan mawha laa bang ngam turin MNF Thalaite chuan kan phut bawk a ni.

ZPM minister leh MLA te hian motor changkang nena tlan kual ringawt lova, awmchilh a riahchilh turin kan ngen bawk ani. MNF Thalaite chuan hetiang kawng chhe kâra kan châk phurtu lirthei khalhtute inpekna leh tlawmngaihna te kan ngai hluin a ropui kan ti a. Tin, lirtheia tangkhangte ei leh in tur ngaihtuahsaktu mi tlawmngaite chungah lawmthu kan sawi bawk a ni.

Sd/- JV LALCHHUANLIANA
Jt. Secretary
Media & publicity department