“ZPM sawrkar, enchhin mek sawrkarah mipuiten beiseina sang an nei ta lo chu a pawi hle a ni” – Pu C. Lallawmzuala, MDC & Vice President MNF District Hqrs Lawngtlai

#ZONEWS Lawngtlai July 28, 2025: Vawiin chaw hma dar 11 khan MNF Dist Hqrs Lawngtlai chuan party chhung inkhawmna hun an office, Mizo Hnam Run, Lawngtlai ah hman niin, hetah hian Pu C. Lalsawmzuala MDC & Vice President MNF District Hqrs Lawngtlai chuan mithar lawmluhna leh thusawina a nei.

Pu C. Lalsawmzuala chuan, “ZPM sawrkar, enchhin mek sawrkarah mipuiten beiseina sang an nei ta lo chu a pawi hle a ni, a ti a. Fur khat daih kawngpui siam hi a har viau ani ang, kan chak lakluhna ber kawngpui a chhe ta lutuk te hi keini sawi hi a ngai ta lo, Vai Driver te nen ZPM swwrkar hi an inbei tawk em em a ni, a ti.

Pu Sawma chuan, Oil leh Buhfai man sang atanga tax an lak zozai te kha eng atana hman nge ni ang? Kan kawngpui chhe ta lutuk vei pha ram hruaitu kan neih vat a hun takzet a ni, a ti bawk.

Pu Sawma chuan, ZPM chu vawiin niah chuan anmahni support tuten Open Letter dengkhawng tak tak an thawn tan a, he kan Mizoram zim te Pu Lal duhoma Sawrkar ina a enkawl dan ah hian an beidawn tawhzia alang chiang hle a. Mizoram khawthlang kawng enkawlna tur atana hmannia PWD Minister ina Cheng nuai 20 a pe te kha; kan Chief Minister Car man pawh a zat/ tluklo a, he kalphung thar sawrkar hian a thuphung bakin Mizoram an hmangaihlo tih alang chiang chho ta zel hi a vanduaithlak hle a ni, a ti.

A sawi zelnaah, an party mite chu kumin kumtawpa LADC -MDC inthlan kan hmachhawn leh turah hian inlungrual tlat ila, hlim ila, lawm thiam ila, Kalphung thar ni lova, kalphung dik zawk zawh zel tura ke hmalama pen thar zel turin theihtawp i chhuahzel ang u, a ti bawk. Pu C. Lalsawmzuala MDC & Vice President MNF Dist. Hqrs Lawngtlai chuan an party zawmthar , Sakeilui bial chhung Sumsilui atangin voter 106 alawmlut nghal a, lawmluh zingah hian Village Council Member pahnih, Pu Anta Chakma ZPM, leh Pu Fulo Ranjan Chakma Congress te pawh an tel ani.

Vawiin hun hman hi Pu Lalthanmawia Colney MDC in a kaihruai a, he hunah hian MDCs te leh party mite an tel tha hle a.