PU C. LALSAWIVUNGA, MINISTER, AH&VETERINARY , ART AND CULTURE etc. LEH ER. H GINZALALA, ADVISER TO CHIEF MINISTER TE CHUAN SAIRANG TO KAWNPUI KAWNG CHHIA AN TLAWH

#ZONEWS July 28, 2025:
Vawiin ni 28 July, 2025 (Thawhtanni) khan Pu C Lalsawivunga, Minister Art and Culture, AH&Vety Department etc leh Er. Ginzalal, Adviser ti Chief Minister chuan Sairang to Kawnpui kawng chhe lai an tlawh a, NHIDCL leh PWD hotu a hmuna awmte nen chak zawka hmalak dan tur an sawi ho

Minister Pu Sawivunga leh a team te chuan Kawnpui leh Sairang in kar kawng chhe lai chu zawhin, an thawh chin te enfiah zel a ni a,hnathawktute chu chak taka hna thawk tur leh a chhe zual lai ngaipawimawh a siamtha vat vat turin an hriattir a ni.

Ni 26 July, 2025 (Inrinni) zan khan Kawnpui leh Sairang inkar kawngpui chhia leh chumi nghawng harsatna sut kian dan ngaihtuahin ZPM Legislature Party informal meeting hmanhmawh neih a ni a, a tuk Pathianni zing khan PWD hotu liante koh khawm an ni a, an hnathawh dan tura Mizoram sorkar duh dante hrilhfiah an lo ni tawh bawk.

ZPM Legislature Party hian he kawngpui pawimawh avanga harsatna a taka vil turin Crisis Management Committee an din nghal a, kawngpui siam hi nitin Minister leh MLA pahnih talin tlawh ziah turin an rel a, NHIDCL leh PWD-te hnathawh hi a hmunah endikin an vil ṭhin ang.

Written by-
Zoramsangzela
Secretary
ZPM General Headquarters
Issued by-
Media & Publicity Department
ZPM General Hradquarters
Mizoram, Aizawl
Issue No. 144 of 2025
Dated 28th, July, 2025