HIGH COURT-AH INDEPENDENCE DAY LAWM A NI

#ZONEWS Aizawl August 15, 2025 : Tukin zing dar 8 khan Gauhati High Court, Aizawl Bench-ah India ram ni pawimawh, Independence Day vawi 79-na lawmna hun neih a ni a. Hon’ble Mrs. Justice Marli Vankung, Judge, Gauhati High Court-in hnam puanzar pawt parhin 225 Battalion CRPF ten chibai an buk a chhanglet a ni.

He programme pawimawh takah hian Pi Helen Dawngliani, Aizawl District & Sessions Judge leh Mizoram Judicial Service Officers te, Pu T.L. Guite, Secretary, Law and Judicial Department leh Officials te, Dr. HTC Lalrinchhana, Registrar leh High Court Officials te, Pu C. Lalramzauva, Senior Advocate te Pu T.J. Lalnuntluanga, Former Minister of State te, Pu R. Lalremruata, President, Mizoram Bar Association leh MBA hruaitute leh member te, Pi Linda L. Fambawl leh Pu Samuel Vanlalhriata, Addl. AG leh Sawrkar Ukil te leh mi pawimawh dang eng emaw zat an tel thei a ni.