Zofate tan Nitin thuthar rintlak
Mizoram chhung chan chin ziahna
#ZONEWS July 16, 2025: Nimin khan Hnahthial Bawrhsap, Pi K. Vanlalruati kaihhruaiin Border Roads Organisation (BRO), Assam Rifles (AR) leh Superintendent of Police (SP) aiawh thukhawmte chuan thuneitu sang zawkte rawtna angin Hnahthial District leh Burma ramri survey neih dan tur relin an thukhawm.
#ZONEWS July 16, 2025: Nimin chawhnu khan Commerce & Industries Department Minister Pu F. Rodingliana Office Chamber-ah Department thuneituten Aizawl Bazarpui ti a hriat, Aizawl City Centre leh Aizawl City Centre Annexe Building sak mek dinhmun ennawnin an thukhawm.
#ZONEWS July 16, 2025: RTI zawhna chhanna atanga a landanin Hmunphiah leh Sawhthing te Mizoram sawrkarin a lei tam lo hle a. Chhannaa a lan dan ang hi chuan Loneitute thar chhuah ang chhun te a lei zo lo nasa hle niin a lang.
July 11, 2025 thleng khan, Secondary Collection center hrang hrang atangin 2,95,894 quintals a lei a. Tin, Hmuhphiah hi ZOHANCO kal tlangin 2,498 quintals (@Rs 80/kg) a lei bawk.
Mizorama Territorial Army din tura hmalakna kal zelah tun thla July thla atanga Territorial Army a tang tur te lakluh tura ruahman chu chhan hrang hrang vangin kumin November thlaah sawn a ni.
#ZONEWS July 15, 2025: Kumin kumtawpa Red Bull in Aizawl-a mountain bike intlansiak (Urban Downhill race) an buatsaih tur chungchang ngaihtuahin vawiin khan Pu Lalnghinglova Hmar, Minister of State, Sports & Youth Services leh Tourism Department hovin sawrkar department aiawh leh khawtlang hruaitute an thukhawm.
KOLASIBAH ELECTORAL ROLL SPECIAL INTENSIVE REVISION NEIH A NI
#ZONEWS July 15, 2025: Vawiin khan I&PR Conference Hall, Kolasibah Electoral Roll Special Intensive Revision lo awm tur atan Kolasib Constituency huam chhunga BLO ten training an nei a. He hunah hian Pu Lalthanzuala, SDC District Level Master Trainer in BLO kalkhawm te chu zirtirna a pe a ni.
#ZONEWS July 15, 2025: Adviser to CM, Pu TBC Lalvenchhunga, Aizawl West I bialtu ni bawk chuan a bial chhunga school enrolment pung tam ber te hnenah a MLA fund atanga lawmman a pe. Lawmman hlanna inkhawm hi ama office-ah buatsaih. Pu TBC Lalvenchhunga chuan Aizawl West I huam chhunga sawrkar Middle school leh Primary…
Vawiin khan DC Conference Hall, Mamit-ah District Level Committee on Myanmar & Bangladesh Refugees chu Pu K Laltlawmlova, District Bawrhsap kaihhruaina hnuaiah an thukhawm. He thutkhawmnaah hian Pu Lalawmpuia, SDC chuan Foreign Identification Portal chungchangah sawi zauna hun a hmang a, Mamit district chhung a Myanmar atanga raltlan awm zat leh awmna khua te sawi…
#ZONEWS July 15, 2025: Pawisa thir cheng sawm (₹ 10) leh cheng sawmhnih (₹20) chungchangah Saitual Bawrhsap Dr. Lalngura Tlau chuan a hnuaia tarlan ang hian hriattirna a chhuah:
#ZONEWS July 16, 2025: Vawiin khan DC Conference room, Saitualah, District Disaster Management Authority (DDMA) hmalaknain khuarel chhiatna thleng thulha hman tur bungrua (search and rescue equipment) sem chhuahna hun hman a ni a, DDMA aiawhin Pu Lallawmawma, Addl. DC chuan bungruate a hlan.
