Champhai Bawrhsap hovin Keilungliah luiah sangha chi chhuah a ni

#ZONEWS Champhai August 21, 2025: Vawiin chawhnu khan Fisheries Department hmalaknain Keilungliah Management Committee chuan sangha chi 30,000 bawr vel Keilungliah luiah an chairman leh Champhai Bawrhsap ni bawk, Pu Mohammad Aaquib hovin an chhuah.

Champhai District DFDO Pi Lalremsangpuii chuan Sangha hi chi hnih, common carp leh grass carp chhuah a ni thei hi lawmawm a tih thu a sawi a, mipui te pawn tangkai taka an chhawr a duh thu leh Keilungliah a nungcha leh sangha te tam thei ang bera ecosystem mil zela enkawl a duh thu a sawi. He hunah hian Keilungliah Management Committee nodal department atangin SDO Pu C. Zothansanga PHE department atangin a tel bawk a ni.