I-League 2024-2025 khelh zawh atanga thla thum hnuah Inter Kashi chu Champion-ah puan a ni.

#ZONEWS July 18, 2025: April 6, 2025-ah I-League 2024-2025 khelh zawh a ni a, Inter Kashi leh Churchill Brothers te champion-ah an in ngai ve ve a. Buai a in tan chho chu a ni deuh ber mai. In khing an awm reng a. AIFF ten champion-a an puan avangin,Churchill Brothers ten champion an lo lawm fel dim diam tawh.

Hun a kal zel a, court of Arbitration for Sports (CAS) lama inkhinna pawh a kal zel.

Vawiin July 18, 2025 Zirtawpni hian Court of Arbitration for Sports (CAS) chuan thutlukna a siam fel ta a. AIFF buatsaih I-League 2024-25-ah champion chu Inter Kashi FC an ni ta. AIFF lam pawhin Inter Kashi an lawmpuina leh CAS thutlukna hi I-League.org lamah leh social media hrang hrangah an chhuah darh nghal a ni.

Inter Kashi Footbal Club hian Court of Arbitration for Sports (CAS)-ah Churchill Brothers FC Goa, Nadhari FC, Real Kashmir FC leh, AIFF te an khinga. CAS chuan AIFF hnenah Inter Kashi FC chu I-League 2024-25 winner/champion-ah puang turin a hriattir a ni.

I-League Club hrang hrangin AIFF Disciplinary Committee leh AIFF Appeal Committee lamah complaint an thehluh chung chungah May 31, 2025-a thutlukna an siam dan chuan, Inter Kashi FC Foreign Player Marco Barco registration chu a valid lova chuvangin match a khelh zawng zawng pawh awm ze nei loah ngaiin, Club-in point a hmuh tur pawh laksak a ni. Hei vang hian Churchill Brothers chu I-League Champion-ah puan a ni.

Inter Kashi FC chuan June 23, 2025 khan CAS hnenah thubuai an thehlut tha leh a, AIFF Appeal committee thutlukna chu hnawl turin an ngen a ni. July 15, 2025 khan CAS chuan a ngaihtuah a, CAS thutlukna chu, May 31, 2025-a AIFF thutlukna hnawl sak chu a ni ta. CAS thutlukna ang chuan Inter Kashi chuan point 42 hmuin, Churchill Brothers FC Goa chuan point 40 an hmu a, Real Kashmir FC – point 40 leh, Namdhari FC ten point 29 an hmu ta a ni.

Hetiang a nih takah chuan, I-League 2024-25 inkhelh zawh vek atanga thla thum zet hnuah, Inter Kashi FC chu I-League 2024-25 champion-ah puan an ni ta. A tawpah Edmund Lalrindika te khelhna Inter Kashi FC chu an nui thei ta.