Larsap-in Sairang Railway Station a tlawh

#ZONEWS Aizawl, October 1, 2025: Mizoram Larsap General (Dr) Vijay Kumar Singh, PVSM, AVSM, YSM (Retd) chuan vawiin chawhnu khan Sairang Railway Station tlawhin a enfiah a, Railway hotute a kawm bawk.

Larsap General (Dr) Vijay Kumar Singh chuan a vawikhat nana Indian Railway Network nena Mizoram khawpui Aizawl thlunzawm a ni leh, India ram khawpui pawimawh tak takte awlsam taka train hmanga thlen theih a ni ta chu lawmawm tiin, Northeast Frontier Railway hotute chu a enkawl leh tihchangtlun zelna turah theihtawp chhuah turin a chah a. Rel service mumal leh khailhlak lo, mipui tana awlsam leh him, faina leh kawng tinrenga ram chhung hmun dangte entawntlak siam kawngah theihtawp chhuah tlan a tul thu a sawi bawk.

He hunah hian Railway Deputy Chief Engineer Pu Harjimal Meena chuan Sairang Railway Station technical report tlangpui Larsap hi a hrilhfiah a. Pu Virendra Kumar Meena, Area Manager, Badarpur pawhin hmalakna leh hriattur pawimawhte Larsap hi a hrilhfiah bawk a ni.

Prime Minister Pu Narendra Modi chuan September ni 13, 2025 khan Cheng Vaibelchhe 8,071 senga siam Bairabi-Sairang New Railway Line, 51.38 Km a thui chu hawngin hemi rual hian train service pathum: Sairang-Delhi (Anand Vihar Terminal) Rajdhani Express, Sairang-Guwahati Express leh Sairang-Kolkata Express-te chu a vailiam a; Mizoram khawpui chu India Rail Network nen a vawikhat nan thlunzawm a ni.

Bairabi-Sairang New Railway Line-ah hian leiverh 48 (12.85 Km a thui), Leidawh lian tham 55 leh a te deuh 87 bakah Railway Station 4- Hortoki, Kawnpui, Mualkhang leh Sairang te a awm a ni.

Larsap-in Sairang Railway Station a tlawh

1691/2025-2026

Aizawl, the 1st October, 2025: Mizoram Larsap General (Dr) Vijay Kumar Singh, PVSM, AVSM, YSM (Retd) chuan vawiin chawhnu khan Sairang Railway Station tlawhin a enfiah a, Railway hotute a kawm bawk.

Larsap General (Dr) Vijay Kumar Singh chuan a vawikhat nana Indian Railway Network nena Mizoram khawpui Aizawl thlunzawm a ni leh, India ram khawpui pawimawh tak takte awlsam taka train hmanga thlen theih a ni ta chu lawmawm tiin, Northeast Frontier Railway hotute chu a enkawl leh tihchangtlun zelna turah theihtawp chhuah turin a chah a. Rel service mumal leh khailhlak lo, mipui tana awlsam leh him, faina leh kawng tinrenga ram chhung hmun dangte entawntlak siam kawngah theihtawp chhuah tlan a tul thu a sawi bawk.

He hunah hian Railway Deputy Chief Engineer Pu Harjimal Meena chuan Sairang Railway Station technical report tlangpui Larsap hi a hrilhfiah a. Pu Virendra Kumar Meena, Area Manager, Badarpur pawhin hmalakna leh hriattur pawimawhte Larsap hi a hrilhfiah bawk a ni.

Prime Minister Pu Narendra Modi chuan September ni 13, 2025 khan Cheng Vaibelchhe 8,071 senga siam Bairabi-Sairang New Railway Line, 51.38 Km a thui chu hawngin hemi rual hian train service pathum: Sairang-Delhi (Anand Vihar Terminal) Rajdhani Express, Sairang-Guwahati Express leh Sairang-Kolkata Express-te chu a vailiam a; Mizoram khawpui chu India Rail Network nen a vawikhat nan thlunzawm a ni.

Bairabi-Sairang New Railway Line-ah hian leiverh 48 (12.85 Km a thui), Leidawh lian tham 55 leh a te deuh 87 bakah Railway Station 4- Hortoki, Kawnpui, Mualkhang leh Sairang te a awm a ni.