MINISTER VANLALHLANA’N UPATE NI LAWMNA HMANPUI
#ZONEWS Aizawl, October 1, 2025: Vawiin khan Public Works Department Minister Pu Vanlalhlana chuan Chaltlang Lily Venga ‘Upate Ni’ lawmna program chu Baptist Kohhran Hall, Lily Vengah khuallian niin a hmanpui.
Khuallian Pu Vanlalhlana chuan Mizoram Upa Pawl (MUP) chu pawl zahawm an nih thu leh a member-te pawh ram rohlu an nih thu a sawi a. Kum upate chu an hun leh theihna zawng zawng ram leh khawtlang tana lo hmang ral tawhte an ni, a ti a. Tawnhriat an ngahin, an mi kaihhruaina pawhin ram leh khawtlang nun a siamthat thu a sawi a. Kum upate dinhmun thleng tur hian harsatna tam tak paltlang a ngaih avangin awlsam taka thlen theih a nih loh thu a sawi a. Rilru leh taksa hrisel an neih a pawimawh thu sawiin, an tu leh fate uap a, thurawn pe a, ram tana rohlu ni zel turin duhsakna a hlan a ni.
He hunah hian Minister chuan mipui tana harsatna siamtu, Bawngkawn junction traffic jam tiziaawm turin sawrkarin ruahmanna a siam mek thu a sawi a. Tuirial Dam hmanga intlawhpawhna (Inland Water Transport) tha zawk a awm theih nana hma lak mek a nih thu leh a hmunhma pawh phai lama mi thiamte leh Mizoram sawrkar department hrang hrangte’n an endik tawh thu a tarlang a. Aizawl khawpui chhung kawng siamthat hna tan thuai tum a nih thu leh amah ngeiin hnathawk vil a tum thu a sawi bawk a ni.
Vawiin hunah hian Lily Veng MUP member kum 90 aia upa mi 5 hnenah chawimawina hlan a ni a. Mizorama kum upate pension hmuh dan a hnuaiah tarlan a ni –
| KUM | PENSION LA ZAT | THLA TIN PENSION HMUH ZAT |
| 60-79 | 17,167 | Central – Rs.200, State – Rs.1000, Total – Rs.1200 |
| 80 chung lam | 7,357 | Central – Rs.500, State – Rs.1000, Total – Rs.1500 |
MINISTER VANLALHLANA’N UPATE NI LAWMNA HMANPUI
1690/2025-2026
Dated Aizawl the 1st October, 2025: Vawiin khan Public Works Department Minister Pu Vanlalhlana chuan Chaltlang Lily Venga ‘Upate Ni’ lawmna program chu Baptist Kohhran Hall, Lily Vengah khuallian niin a hmanpui.
Khuallian Pu Vanlalhlana chuan Mizoram Upa Pawl (MUP) chu pawl zahawm an nih thu leh a member-te pawh ram rohlu an nih thu a sawi a. Kum upate chu an hun leh theihna zawng zawng ram leh khawtlang tana lo hmang ral tawhte an ni, a ti a. Tawnhriat an ngahin, an mi kaihhruaina pawhin ram leh khawtlang nun a siamthat thu a sawi a. Kum upate dinhmun thleng tur hian harsatna tam tak paltlang a ngaih avangin awlsam taka thlen theih a nih loh thu a sawi a. Rilru leh taksa hrisel an neih a pawimawh thu sawiin, an tu leh fate uap a, thurawn pe a, ram tana rohlu ni zel turin duhsakna a hlan a ni.
He hunah hian Minister chuan mipui tana harsatna siamtu, Bawngkawn junction traffic jam tiziaawm turin sawrkarin ruahmanna a siam mek thu a sawi a. Tuirial Dam hmanga intlawhpawhna (Inland Water Transport) tha zawk a awm theih nana hma lak mek a nih thu leh a hmunhma pawh phai lama mi thiamte leh Mizoram sawrkar department hrang hrangte’n an endik tawh thu a tarlang a. Aizawl khawpui chhung kawng siamthat hna tan thuai tum a nih thu leh amah ngeiin hnathawk vil a tum thu a sawi bawk a ni.
Vawiin hunah hian Lily Veng MUP member kum 90 aia upa mi 5 hnenah chawimawina hlan a ni a. Mizorama kum upate pension hmuh dan a hnuaiah tarlan a ni –
| KUM | PENSION LA ZAT | THLA TIN PENSION HMUH ZAT |
| 60-79 | 17,167 | Central – Rs.200, State – Rs.1000, Total – Rs.1200 |
| 80 chung lam | 7,357 | Central – Rs.500, State – Rs.1000, Total – Rs.1500 |
Discover more from Zonews
Subscribe to get the latest posts sent to your email.
