Lawngtlai District – Hruitezawla tuihri ni a lang natna inkaichhawn theih natna a leng mek chungchanga District Magistrate thuchhuah

#ZONEWS Lawngtlai November 14, 2025: Lawngtlai District-  Hruitezawl ah tuihri ni a lang natna inkaichhawn theih natna a leng mek chungchanga  a hnuaia mi ang hian District Magistrate thuchhuah a siam

ORDER

No. J.11013/1/2025-DC (LTI):Tunlai hian Lawngtlai District Hruitezawl ah tuihri ni a lang natna inkaichhawn theih natna a leng mek tih hriat a ni a. He hri hi mihring hriselna atan leh nunna atan a pawi thei tih hriat a ni. He hrileng hi ei leh in thianghlimlo atang leh hmun dang atanga mihring veivak ten an put darh a nih ber avangin, mipui hrileng laka kan him zawk theih nan he thupek chhuah tula hriat a ni.

Chuvangin kei, DONNY LALRUATSANGA, MCS, DISTRICT MAGISTRATE, LAWNGTLAI DISTRICT, LAWNGTLAI chuan Epidemic Diseases Act, 1987 Section 2 leh Section. 163, Bharatiya Nagarik Suraksha Sanhita, 2023 (BNSS) in thuneihna min pek ang in a hnuaia thupek hi ka chhuah e.

1. Hruitezawl a inkalpawhna Border khar a ni.

2. Hruitezawl Khua mipuite khaw dang a zin chhuah leh luh khap tlat a ni.

3. Natna hrik laka kan inven nan kut silfai, tui chhuanso emaw filter tui chauh in tur a ni.

4. Hriselna atana pawi thei thil chi hrang hrang lakah fimkhur tur a ni.

He thupek zawmlo chu Section. 223, Bharatiya Nyaya Sanhita, 2023 (BNS) hmanga hrem an ni ang.

He thupek hian thu leh awm hma chu thupek chhuah a nih atanga Thla hnih (2) chhung a huam ang.

Amaherawhchu, he khuahkhirhna hian Medical Duty, Election Duty leh Emergency thil te a huam lo ang.

He thupek hi vawiin Date 14th November, 2025 hian District Magistrate Seal- a nemnghetin hming ka ziah hnan e.

                                          Sd/- 

                       DONNY LALRUATSANGA

                             District Magistrate 

                    Lawngtlai District, Lawngtlai