Lungleiah National Voluntary Blood Donation Day pualin hun hman a ni

#ZONEWS Lunglei, October 1, 2025: Vawiin, October ni 1 hi India ram puma a thlawna thisen pek pawimawhzia inzirtir thar ni, “National Voluntary Blood Donation Day” (NVBDD) a ni a. Civil Hospital Lunglei Blood Centre leh Association for Voluntary Blood Donation (AVBD), Lunglei te ṭang kawp huaihawtin Government Higher Secondary School (GHSS) Lungleiah he ni pual hian hun hman a ni.

Lungleia NVBDD puala inkhawm hi Lunglei AVBD Treasurer Dr K. Lalhmachhuana chuan a kaihruai a. Civil Hospital Lungleia Blood Bank Officer Dr Vanlallawma Khiangte chuan tun hma chuan thisen chu hralh ṭhin a nih thu leh kum 2000 bawr vel aṭang khan India ramah thisen hralh khap a nih tawh thu sawiin, miin a duhthlanna ngeiin, a thlawnin thisen a pe tur a ni tih chu sawrkar duh dan a nih thu a sawi a. Thisen vawi khat pekah hian ml 350 chauh lak ṭhin a nih thu leh vawi khat thisen pek chu mi pathum velin an hman ṭangkai theih thu sawiin, stroke leh heart attack laka fihlim tur te, vun nalh nan te thisen pek ṭhin chu a ṭha hle a ni, a ti.

He hunah hian vawi sawm leh a aia tam thisen pe tawh hmeichhia 16 hnenah chawimawina thuziak hlan a ni a. Kal khawmte’n a thlawna thisen pek ngai pawimawh turin thutiam an chham rual a. Lunglei AVBD Assistant Secretary Pu Tlanchhuahkima’n lawm thu a sawi.

NVBDD puala hun hman zawhah hian GHSS Lunglei National Service Scheme (NSS) te’n a thlawna thisen pek runpui an buatsaih chhunzawm a. Civil Hospital Lunglei Blood Bank-a thawkte’n thisen hi laksakin, mipa 32 leh hmeichhia 12-in thisen unit 44 an pe a ni.

National Voluntary Blood Donation Day hi kum 1975 aṭang khan hman ṭan niin, kum tin October ni 1-ah hman ṭhin a ni a. Kumin 2025 hian, “Give Blood, Give Hope: Together We Save Lives!” (Thisen pe la, beiseina thar siam rawh: nun chhan turin i thawk ho ang u) tih chu thupuiah hman a ni.

Lungleiah National Voluntary Blood Donation Day pualin hun hman a ni

1688/2025-2026

Lunglei, 2025 Khuangchawi thla ni 1: Vawiin, October ni 1 hi India ram puma a thlawna thisen pek pawimawhzia inzirtir thar ni, “National Voluntary Blood Donation Day” (NVBDD) a ni a. Civil Hospital Lunglei Blood Centre leh Association for Voluntary Blood Donation (AVBD), Lunglei te ṭang kawp huaihawtin Government Higher Secondary School (GHSS) Lungleiah he ni pual hian hun hman a ni.

Lungleia NVBDD puala inkhawm hi Lunglei AVBD Treasurer Dr K. Lalhmachhuana chuan a kaihruai a. Civil Hospital Lungleia Blood Bank Officer Dr Vanlallawma Khiangte chuan tun hma chuan thisen chu hralh ṭhin a nih thu leh kum 2000 bawr vel aṭang khan India ramah thisen hralh khap a nih tawh thu sawiin, miin a duhthlanna ngeiin, a thlawnin thisen a pe tur a ni tih chu sawrkar duh dan a nih thu a sawi a. Thisen vawi khat pekah hian ml 350 chauh lak ṭhin a nih thu leh vawi khat thisen pek chu mi pathum velin an hman ṭangkai theih thu sawiin, stroke leh heart attack laka fihlim tur te, vun nalh nan te thisen pek ṭhin chu a ṭha hle a ni, a ti.

He hunah hian vawi sawm leh a aia tam thisen pe tawh hmeichhia 16 hnenah chawimawina thuziak hlan a ni a. Kal khawmte’n a thlawna thisen pek ngai pawimawh turin thutiam an chham rual a. Lunglei AVBD Assistant Secretary Pu Tlanchhuahkima’n lawm thu a sawi.

NVBDD puala hun hman zawhah hian GHSS Lunglei National Service Scheme (NSS) te’n a thlawna thisen pek runpui an buatsaih chhunzawm a. Civil Hospital Lunglei Blood Bank-a thawkte’n thisen hi laksakin, mipa 32 leh hmeichhia 12-in thisen unit 44 an pe a ni.

National Voluntary Blood Donation Day hi kum 1975 aṭang khan hman ṭan niin, kum tin October ni 1-ah hman ṭhin a ni a. Kumin 2025 hian, “Give Blood, Give Hope: Together We Save Lives!” (Thisen pe la, beiseina thar siam rawh: nun chhan turin i thawk ho ang u) tih chu thupuiah hman a ni.