Saitual District-ah ruihhlo ti lo tura intiamna hun an hmang

#ZONEWS Saitual August 13, 2025: Vawiin khan Keifang Centenary Sports Complex-ah ruihhlo ti lo tura thutiam Nasha Mukt Bharat Abhiyan (NMBA) Pledge chu Saitual District chhunga zirlai naupangte, zirtirtute leh sawrkar hnathawk kalkhawm ten an sawi rual a ni.

Nasha Mukt Bharat Abhiyan (NMBA) Pledge chu a hnuaia tarlan ang hi a ni:

Kan ram ruihhlovin nasa taka a tihbuai mek hi

Theihtawp a do turin ka intiam a;

Midangten ruihhlo hmansual thatloh zia leh a nghawng tha lo te an lo hriat a, inven nachang an lo hriat theihna turin, ka ngaihtuahna, tha leh zung hmang turin ka intiam a.

Kan ram harsatna hi pawmin vawiinah hian Nasha Mukt Bharat Abhiyan hnuaiah kan inpumkhat a; khawtlang, chhungte, thiante chauh ni lovin kei ngei pawh hi ruihhlo a fihlim turin ka intiam bawk e.