State Child Welfare and Protection Committee an thukhawm

#ZONEWS Aizawl August 04, 2025 : Vawiin khan, State Child Welfare and Protection Committee chu an Chairman, Pi Lalzarmawii, Social Welfare&Tribal Affairs, Women and Child Development Department Commissioner&Secretary ni bawk hovin SAD Conference Hall, Mineco-ah an thukhawm a. Social Welfare & Tribal Affairs, Woman and Child Development Department changtu Minister Pi Lalrinpuii chu khuallian a ni.

Meeting-ah hian khuallian Social Welfare&Tribal Affairs, Women&Child Development department changtu Minister Pi Lalrinpuii chuan thusawiin, SCW&PC thutkhawm vawi 3-na a hmanpui thei chu lawmawm a tih thu sawiin, naupang hungsual daite leh vanduaina tawkte tanpuitu, SCW&PC hnathawh chu ropui a tih thu a sawi a. Thawktute inpekna chu fakawm a tih thusawiin, an enkawl lai naupangte piah lamah thawktute pawh chu chhawmdawl leh sawrkar ang pawha duat ngai tak an ni
tih a tarlang a. SCW&PC-in Zoram mipuite tana a hnathawh ropuizia chu hre reng a, theihtawp chhuah chhunzawm zel turin kalkhawmte chu a chah nghal bawk a ni.

Vawiin meeting-ah hian State Child Welfare&Protection Committee chuan Mission Vatsalia leh Juvenile Justice Fund chungchangte an ngaihtuahho a. Meeting-ah hianDepartment hrang hrang aiawh, Social Welfare, Women&Child Development, Home Department leh Health^-&Family Welfare Department te bakah Law&Judicial Department hotute an tel a ni.