Zofate tan Nitin thuthar rintlak
#ZONEWS July 16, 2025: Vawiin khan Lunglei District chhunga assembly constituency panga – Lunglei North, Lunglei East, Lunglei West, Lunglei South leh Thorang huam chhunga Booth Level Officer (BLO)-te tan inthlanna hming bu (electoral roll) endik runpui (special intensive revision) lo awm tur atana inpuahchahna training buatsaih a ni.
#ZONEWS July 16, 2025: Vawiin khan Pu Amit Sharma, IAS, Secretary, Information & Communication Technology leh Cooperation Department, Government of Mizoram, chuan Lawngtlai tlawhin sawrkar department- hotute nen DC Conference Hall- ah thutkhawm an nei a. Pu Cheemala Siva Gopal Reddy, IAS, Lawngtlai bawrhsap chuan thutkhawm hi a kairhuai.
#ZONEWS July 16, 2026: Mizoram Truck Owners’ Association General Secretary Pu Dina Tlau chuan kawng chhia avangin lirthei tlan tir aiin din tir a hlawk zawk tia, an lirthei din tir an tam tawh thu a sawi.
Pu Dina Tlau chuan ,Mizoram chak lakna kawngpui, Sairang leh Kawnpui inkar chu tha lai a awm meuh lo tih sawiin Sairang pelh hret, Buichali nena inkar chu a chhiat zual thu a sawi a. Lei pawp leh rod lawr thlenga a awm thu leh heng hian an lirthei ke a tih puah nasat thu a sawi a. Kawng chhia avanga traffic jam a nasat thin thu sawiin, zinga driver te chhuk thla chu nileng a tangin zanah an tlaivar thin thu leh a tuk tlaiah an chhuah theih tawk thin thu a sawi a ni.
#ZONEWS July 16, 2025: Samvidhan Hatya Diwas 2025 denchhenin vawiin khan Khawzawlah Bawrhsap Pu K. Vanlalthiana hmalaknain hmun thlan chhuah hrang hrangah Exhibition atan Poster leh Banner tarna hun hman a ni.
#ZONEWS July 16, 2025: Vawiin khan I&PR Conference Hall Kolasib ah Commerce & Industries Department huaihawtin ‘Pradhan Mantri Formalisation of Micro Food Processing Enterprises Scheme’ (PMFME) leh ‘Micro, Small and Medium Enterprises’ (MSME) schemes chungchangah Awareness & Training Programme buatsaih a ni. He hunah hian District Bawrhsap Pu Robert C. Lalhmangaiha chu khuallian a ni.
Inkhel leh hlimhlawpna lam buatsaihtute hnena chiah lak chungchang.
#ZONEWS July 16, 2025: The Mizoram Goods and Services Tax Act, 2017 in a sawi angin, heng mela, Concert, Sports Tournament, Movie (film) chhuah, trade fair etc., man nei emaw, ticket siama buatsaih reng reng hi Supply of Services hnuaiah a luh avangin chhiah (Tax) lak theihna a ni a. Serchhip District chhunga mimal leh pawl (NGO) hetiang buatsaih turte chuan Deputy Commissioner of State Tax, Serchhip hnenah hriattir hmasak tur a ni.
Saitualah CM Special Package hnuaia grant sem tur leh orientation training neih dan tur rel
#ZONEWS July 16, 2025: Vawiin khan DC Conference Room, Saitualah Pu Lalthakima Chhangte, SDO(S) kaihhruainain CM special package hnuaia Bana kaih progress partner te tana District Level Orientation training neih dan tur leh puihna sum fai (grant) pek chhuah dan tur relin thu khawm.
#ZONEWS July 16, 2025: Higher & Technical Education Minister Dr. Vanlalthlana chuan vawiin khan Government Aizawl North College Freshers’ Social cum 25th Annual Magazine Review chu Vanapa Hall-ah khuallian niin a hmanpui a, Annual Magazine ‘Parfung’ a tlangzarh bawk.
#ZONEWS July 16, 2025: Hon’ble Minister of State for Minority Affairs and Fisheries, Animal Husbandry & Dairying, Govt of India, Pu George Kurian chuan vawiin khan video conference hmangin PMJVK hnuaia Siaha District-a project thlan chhuah pahnih (2) hna thawh tanna tur lungphum a phum.
#ZONEWS July 16, 2025: Nimin khan Hnahthial Bawrhsap, Pi K. Vanlalruati kaihhruaiin Border Roads Organisation (BRO), Assam Rifles (AR) leh Superintendent of Police (SP) aiawh thukhawmte chuan thuneitu sang zawkte rawtna angin Hnahthial District leh Burma ramri survey neih dan tur relin an thukhawm.
