Zofate tan Nitin thuthar rintlak
#ZONEWS July 17, 2025: Vawiin khan Dr. Vanlalthlana, Minister, School Education Department chuan Mizoram Board of School Education Building thar hawnna hun hmanpuiin, Pawl 12 zirlaibu Physics, Chemistry, Biology leh Mathematics, mizo tawnga buatsaih chu a tlangzarh nghal bawk.
#ZONEWS July 17, 2025: FCI hotute chuan Manipur buai avanga buhfai thawn thin chu kumin April thla thleng khan kalpui a nih thu leh May thla atanga pek chhoh tawh loh thu an sawi a. Churachandpur leh a chhehvel te hman tur Mizoram kaltlanga buhfai pek chu kum 2023 June thla atang khan kalpui niin an kalpui tawp hun, kumin April thla thleng khan quintal nuai 3 sing 2 sang 2 chuang hret an thawn hman a. Tunah chuan a kawng ngai, a hmaa an kalpuina kawng, Jiribam, Assam atangin Imphal kaltlangin phurh a ni leh tawh a ni.
#ZONEWS July 17, 2025: Kawlri tlang Heritage Centre, Serchhip Vengchunga sak mek chungchang sawihoin vawiin khan DC Pu Paul L Khuma hoin Serchhip DC Meeting Hall-ah thuneitute an thukhawm.
MIZORAM MEDICAL SEAT HRANG HRANG CATEGORY ANG ZELA INSEM SAWM DAN, KUM 2025-2026 ATAN (MBBS,BDS,BVSc, BUMS, BAMS, BPT)
NHM BUATSAIHIN, AIZAWL DISTRICT CHHUNGA PRIVATE LEH SAWRKAR LABORATORY AWM ZAWNG ZAWNGTE TAN PERMANENT REGISTRATION CHUNGCHANG TRAINING NEIH A NI.
#ZONEWS July 17, 2025: Vawiin chawhma dar 11:00 am khan DMHE Conference Hall, MINECO-ah Clinical Establishment (Registration & Regulation) Act, National Health Mission, Mizoram buatsaihin Aizawl District huam chhunga Private leh Sawrkar Laboratory awm awng zawng te tan Permanent Registration chungchang traning neih a ni.
Lungleiin ram pum huap khawpui fai lawmman, Swachh Survekshan State Award a dawng
#ZONEWS July 17, 2025: Ministry of Housing and Urban Affairs (MoHUA) buatsaih India ram puma khawpui fai inelna, Swachh Survekshan Award 2024-2025 chu vawiin khan New Delhi-a Vigyan Bhawan-ah sem niin, Lunglei chuan State Award pakhat, Mizoram khawpuite zinga faina kawnga hma hun eng ber lawmman, ‘Promising Swachh Shehar Award’ a dawng a. Lawmman hi Mizoram sawrkara Urban Development & Poverty Alleviation (UD&PA) Minister Pu K. Sapdanga hovin, Lunglei Municipal Council (LMC)-a Vice Chairman Pu K. Lalrinawma leh Executive Councillor Pi Lalhruaitluangi Sailo te, UD&PA Secretary Pu Lalmalsawma Pachuau leh Director Pu Jacob Lalawmpuia te’n Union Minister of Housing & Urban Affairs Pu Manohar Lal kut aṭangin an dawng.
#ZONEWS July 17, 2025: Vawiin khan State Level Committee on Standardization chu an Chairman Pu H. Lalengmawia, Chief Secretary hovin Secretariat Conference Hall, MINECO-ah an thukhawm a, Mizoramah Bureau of Indian Standards-in sector hrang hranga inkaihruaina dan a siamte chak zawk leh tha zawka hlenchhuah a nih theih dan tur an rel.
#ZONEWS July 17, 2025: Mizoram Football Association chuan naupang ten football lama bultanna tha an neih theih nan, Reliance Foundation Young Champs te nen a tangkawpin School, Vengchhung leh Academy ah te U6, U8 leh U10 tan Futsal League buatsaihna hun tha a siam dawn a, a bul tan nan Aizawl khawpui chhungah he Project hi kalpui a ni ang.
#ZONEWS July 17, 2025: Secretary to the Govt of Mizoram, Public Health Engineering Department (PHED) Pi Teresy Vanlalhruaii chuan Mizoram chhunga VCP tin te chu Sarpanch Samvaad mobile application nei theuh tura hriattirna a chhuah angin Siaha District chhunga Village Council President tin ten a hnuaia tarlan ang hian hma lo la theuh tura ngen leh hriattir in ni e.
