THIL HLUI KAN THENFAIA THIL THAR TAN HMUN KAN KEN ATANGIN HARH THARNA CHU A LO INTAN ṬHIN A NI.

#ZONEWS #FIANRIAL August 22, 2025:
THIL HLUI KAN THENFAIA THIL THAR TAN HMUN KAN KEN ATANGIN HARH THARNA CHU A LO INTAN ṬHIN A NI.

Vawiin kan fianrial hun chu Pathian mite, Babulon leh Persia sal atanga an rawn kir leh chungchang kha kan ngaihtuah anga. Persia lal Kura thupek angin, an nun siam thara an temple dinthar leh turin hnawhchhuah tawh te chu anmahni khaw hmun lamah hruai kir leh an ni a. Zerubabela’n hruaina hnuaia temple din thar leh tura hma an lakna chu dodalna an tawkin, Israelte zingah inthendarhna a lo thleng ta a, chu thil thleng chuan chuan khawpui siam thar mai ni lovin an thinlung pawhin siam that leh siamthar a mamawh tel a ni tih a rawn tilang a ni.

HNAWHCHHUAHTE LO KIR LEHNA
Chutichuan Juda leh Benjamin chia chhûngkaw puipa deuh deuhte, puithiam te, Levi-ho te, Jerusalem-a LALPA in han sa tûra Pathianin an thinlung a chawh thawh zawng zawngte chu an thawk ta a (Ezra 1:5).

Rei tak i awm bo san hnuah, mahni inlam ngaihnain a pawt nasa ve thin ngai che em?

Juda ram atanga hnawhchhuaha awmte chuan Babulon ram atanga kir leh a, an nun leh temple dinthar leh chu an chak em em a. Lal Kura thupekin anmahni ram lamah let leh phalsak an ni a. Anmahni ram an rah leh chiah khan hna tak tak chu a in tan ta chiah a ni.

Kan hmun leh inte ni mai lo, khawtlang siamthata dinthar lehna awm zia dik tak chu eng nge ni ang le?

Zerubabela chuan hmun ram tawh leh chhe tawh chu tifaia, temple thar lungphum chu phum leh turin hma a la a. Nimahsela mipuite zing atangin dodalna leh intihbuaina nasa tak a hmachhawn ta nghal a. Inpumkhat aiin inremlohna leh inthendarhna a lo thleng ta zawk a ni. Hei hian taksa lam siamtharna chu kan zin kawnga peng pakhat mai chauh a nih zia a tarlang chiang hle a. Khang Juda vakvai te khan, an taksa leh lang thei thil mai ni lovin, an thinlung leh an mahni zinga inlaichinna kha an siamthata an dinthar leh a ngai tel a ni.

Keimahni, kan temple chhe lai chu engtin nge vawiinah hian kan siam thata dinthar leh theih ang le?

Kan nuna siamthara dinthar leh ngai laite ngaihtuah ila. Inlaichinna tihdam ngai te pawh a lo ni thei a, tin, Pathianin kan mimal hliam a tawh ngai te pawh a lo ni mai thei bawk. Hnawhchhuahte chanchin hian, kan lang thei ruangam ringawt ni lovin, khawtlang pumpui thinlung leh thlarau pawh siamthaa siam thar leh turin min zirtir a ni.

I thinlung peng thenkhat kha rawp tawh leh siamthat ngai em em niin i ngaihtuah ve thin em?

Hnawhchhuahte, vakvaite zinkawng hian, Pathian chu siamthat leh dinthar lehnaah pawh kan hnenah a awm reng thin a ni tih min hrilh nawn a ni. Hun leh tha tam tak chu a duhin a mamawh ngei mai, nimahsela, Pathian kaihhruaina nen chuan, chhe vek tawh pawh kan dinthar leh mai ni lovin, a aia mawi zawk leh tha zawkah kan siam leh thei a ni.

Keimahni nun ngei pawh hi han in en ila. Din thar leh tur leh, thil thar siam turin eng thil te nge kan nun atanga kan paih fai ngai ni ve ang le? Pathianin vakvaite hnena a thutiam kha kan hnenah pawh A tiam ve a ni tih hre reng ang u. Kan nuna hna bul atan tawh chu thawk zo turin kan Pathian hi a rintlakin a rinawm si a.

NGUN TAKIN INNGAIHTUAH ILA!
Kan nuna chhe vek tawh ni a kan hriat emaw, siam thara din thar leh ngai nia kan hriat lai te ngaihtuah ila. Inlaichinna siamthat ngai emaw, mahni mimal hmachhawn leh tawn tawh thilte Pathian khawiha tihdam ngai te a awm em?

Chung ang thil atan chuan Pathian hnenah tawngtaiin hun hmang ila, siam thara din thar leh turin chakna dil ila, inpumkhatna leh inremna zawng turin A finna chu i dil ang u.

Kan hun kal tawha kan natna leh lawm lohna thil hnawk nuai mai awm chu thianfai thei ngei turin inhlan thar ila, thinlung leh nun pumkhat zawk leh chak zawk siam thar tura min pui turin kan Pathian chu a rintlak a ni tih i ring tlat ang aw.

ṬAWNGṬAINA
Lung chhertu leh themthiamte pawh tangka an pe a; tin, Persia lal Kuran a phal dan ang zelin, sidar thing Lebanon atanga tuifinriat, Jopa thlenga rawn la tûrin Zidon mite leh tûra mite chu ei tûrte leh in tûrte leh hriak te an pe a (Ezra 3:7).

Ka Pa van a mi, tunah hian ka nun siamthara a awm theih nan I hmaah ka lo kal e. Ezra leh Hagaia lehkhabua Israel ho thinlung anga, ka thinlung hliam leh sak tak mai ni thin chu tisa anga nema a lo awm leh theih nan keimaha siamthar ngai apiang chu Nangin min zawn chhuah sak ang che. Nitina ka nuna siamtharna chu a lo pun zel theihnan, I thu hmangin Nang chuan Isua hmangaihna leh ngaihdamna chu min kawhhmuha. Lalpa in chu siam tha a, Krista taksa chu siam thar zel turin Nang chuan tihtur chu min pe si a. Chu chu hre chianga, siam tha a siam thar leh turin Nang chu englaipawhin pan theih i ni a, nang chuan min siamthar duh reng a ni tih ka hriat reng theih nan, Isua hmingin ka dil e, Amen!