THILTE THAMTE ANGA LANG THLENGIN ISUAN KAN MAMAWH A PHUHRU DUH ṬHIN.

#ZONEWS #FIANRIAL
THILTE THAMTE ANGA LANG THLENGIN ISUAN KAN MAMAWH A PHUHRU DUH ṬHIN.

Vawiin kan fianrial hunah chuan Isuan Kana khua inneihnaa a thilmak tih hmasak ber chungchang kha ngaihtuah ila. A nu ngen angin Isuan tui uain-ah a chantir a, A zirtirte mit hmuhah A thiltihtheihna chu lantirin, Pathianin an hnena A lo tiam tawh Messia ni ngeia an rinna chu a nemngheh sak a ni.

THILMAK TIH HMASA BER CHU

Isuan he a chhinchhiahna tih tantirhna hi Galili ram Kana khuaah chuan a ti a, a ropuizia a lantir ta a; tin, a zirtirte chuan ani chu an ring a (Johana 2:11).

Thil thleng eng emaw avanga tu emaw nihna dik tak i hriatthiama, i hriatchian hun i tawng ve tawh ṭhin em?

Kana khuaa Isua thilmak tih hmasak ber avang hian a zirtirte chuan a nihna dik tak chu an hriat chian phah a ni. Uain a zo a, Isua nu Mari chuan a pui thei a ni tih a hriat avangin Isua chu a rawn pan a. A tirah a hun a la thlen loh thu sawi zet mahsela, A nu ngenna chu zah sakin, ei rawngbawltuten tuibel tuia an tihkhah chu maktak maiin uainah a chantir ta a ni.

He thilmak hian Isua nungchang leh a tihtur chungchangah eng nge min zirtir le?

Isua chuan thilte takte ni anga langah pawh A khawngaihna leh A taka chet a duhna chu inneihnaa an mamawh an sawi a chhan let danah a lantir a ni. Tui uaina a chantirna hian an inneihna lawmna chu a chhanhim a ni ringawt lova chunglam thiltihtheihna a neih zia chu a takin a lantir bawk a ni.

Kan nuna Pathian hnathawh kan hriat thinte hian eng angin nge kan rinna a tih chak thin le?

Rawngbawltute leh zirtirte chuan thilmak tih an hriat khan mak tiin an khat a, Isua an rinna chu a thuk sawt a ni. He thilmak tih hmasa ber hian Messia a nihna chu a takin a rawn puang chuak a. Thil lian tham leh te thamteah pawh Pathian kut lo lang chu nitina kan hriatthiama kan lawmna kan tihlan thin hi a pawimawh hle a ni.

Pathian thilmak tihte hrethiam thei turin engtin nge kan thinlung kan siam rem theih ang?

Isua thilmak tih hmasa hian, kan vela Pathian hnathawh te ngaihven fo turin min tiharh thar se la. Pathian telvena chu mi zawng zawngin hmu thiam kher lo mahsela, a hmu thiamte nun chu nasa takin a nghawng thin a ni. Lawmna thinlung nei zel thei turin tawngtaina thlah thlam lo ila, kan nitin nuna Pathian thil tih makte hi kan hrethiam ve zel thei dawn a ni.

NGUN TAKIN INNGAIHTUAH ILA!

Pathianin kan nuna A thiltihtheihna leh hmangaihna a lantirna kawng hrang hrangte ngaihtuah ila. Nitina thilmak lo thleng te, te takte thlengin kan en kan te a awm thin em?

Kan nuna Pathian awmpuina leh hnathawhte hrethiama, thilte takteah pawh Pathian hnena lawmthu sawi zel thei turin kan hunte i hmang thin ang u. A zirtirte ang hian, rinna thuk zawk leh Amah nena inlaichinna tha zawk kan neih theih nan chung hunte chu i hmang ang u.

ṬAWNGṬAINA

Tin, ruaitheh fatu chuan tui uain-a lo chang ta chu a tem a, a chhuahna chin a hre lo va, (tui thal rawngbawltute erawh chuan an hria a) nupui nei tura chu a ko ta a (Johana 2:9).

Aw Lalpa, ka tana I ruat leh ruahmanna I siamte chu zui zel thei turin huaisenna a tharin min pe ang che. Thlarau hruaia awm tlat a, ka nun thlak thlengtu atana ka thlan Messia I nihna chu ka vela awm leh thil thlengten min rinhlelh tir ka duh love.  Ka chawr chhuahna avangin emaw, min kohna chu miten ringhlel fo thin mahsela, hmun tlawm ber atang pawhin nang chuan thil ropui tak I thlen tir thei a ni tih ka hria e. Nitina ka nuna I thilmak tihte ka hriatthiam zel theih nan, chungte chuan Nangmah ka rinna chu a tih thuk zual zel theihna turin, Isua hmingin ka dil e, Amen!