Women & Child Development Minister Pi Lalrinpuii’n in CDPO Office, Tipa a hawng

#ZONEWS Siaha August 18, 2025: Social Welfare & Tribal Affairs, Women & Child Development Department Minister Pi Lalrinpuii chuan ni 15 zirtawpni khan Child Development Project Officer (CDPO) Office, chu Siaha District, Tipa-ah a hawng.

CDPO Office hawnna inkhawmah hian Minister chuan Tipa in a mamawh em em CDPO Office hawn a ni ta chu lawmawm a tih thu a sawi a, phal taka Inhmun petu Pu T Vannghinga hnenah lawmthu a sawi bawk. CDPO enkawl ICDS Tipa hnuaia Anganwadi centre 66 awm mek te chuan an tangkai pui ngei a rin thu a sawi a, tun dinhmunah thawktu indaihlohna avangin Siaha CDPO in la hmui dawn mahse reiloteah chuan a hmun ngeia thutchilh a nih theih a beisei thu a tarlang bawk a ni. Minister chuan naupang thang mek ten a an mamawh em em Anganwadi Centre a chaw tha sem thin chu mipuiin a hlutna hriaa, ngai pawimawh turin a chah a, naupang tha taka enkawl nachang hria nu leh pa nih tum theuh turin a chah hlawm a ni.

Report in a tarlan danin CDPO office hi Art 275 (1) atanga sak niin Sanction amount hi cheng nuai 78 a ni.

BUILDING
1) A hnuai ber hi Godown tura duan a ni a, a len zawng chu 13*36 ft a ni.

2) 1st Floor hi Office tura ruahman a ni a, 34*40 ft niin Toilet 2 a awm bawk.

3) 2nd Floor hi 34*40 ft niin a chung hi steel structure a siam a ni a, Dyna roof hman a ni. He floor-ah hian conference hall leh Guest room a awm bawk.

CDPO Office hawnna inkhawm hi Pi Hepaw Hlychho, CDPO Siaha chuan a kaihruai a, Rev Enawsa Siakhai chuan hunserh hmangin Pu Lalhmelmawia’n building report a pe a, Rev AZ Zawngia chuan tawngtaina neiin hun tihtawp a ni.