World Hepatitis Day pualin vawiin khan Aizawl Civil Hospital-ah hun hman a ni.

#ZONEWS July 28, 2025: World Hepatitis Day hi Aizawl Civil Hospital Medicine OPD kawtah hman a ni a, National Virus Hepatitis Control Program Nodal Officer Dr. Lalrothuama chuan Hepatitis natna awmzia sawi fiahin he natna umbo beihpui hi kum 2019-ah Mizoram bikah neih tan a nih thu a sawi a, Hepatitis natna chu awm hona satliah-ah a inkai chhawn theih loh thu leh a veite pawh thin hrik mai lova tanpui zawk an tul thu a sawi a, hepatitis natna neiten anmahni enkawltu doctor-te thu an awih that a ngai tih sawiin a enkawl dan pawh a veite’n natna an neih dan a zir a an thensawm thin thu a sawi bawk.

Aizawl Civil Hospital Senior Medical Superintendent Dr. Lalchhuankimi pawhin thusawiin hepatitis natna chu kum 2030-a umbo tum a nih thute, Hepatitis damdawi chu Mizoramah pawh District Hospital tinah a thlawn liau liaua a veite pek an nih thin thu te a sawi a, kum 2030-a khawvel huap a hepatitis umbo a nih theihna turin mi zawng zawng tawiawmna a pawimawh thu a sawi bawk.

World Hepatitis pual hian Aizawl Civil Hospital chuan vawiina damlo inentir te tan a thlawnin thingpui in tur an buatsaih sak a ni.

World Hepatitis Day, Civil Hospital Lunglei & Aizawl, ZMC leh district Hospital zawng zawng ah hman a ni.

Hepatitis B leh C chungchanga hriat tur pawimawhna leh enkawlna in zirtir a ni.
Tin, National Viral Hepatitis Control Programme district hrang2 ah tha leh chak zawk a kalpui dan turte sawi ho ani