#ZONEWS: Lunglei District Football Association buatsaih LDFA Super Cup-2025-ah MLS FC Lawngtlai ten Final an lut.

Lunglei District Football Association buatsaih LDFA Super Cup-2025 Semi Final, vawiin a Thuamluaia mual a khelhah Lawngtlai District atanga a hmasa ber ni tur leh awmchhun ni mek Mizoram Premier Leaque Club MLS FC chuan MFA Cup, 2024 Lawngtlaia neih a, Lunglei District aiawha lo fehchhuak Venglai FC, Lunglei chu 7-0 a hnehin Final an lut.

Lunglei District Football Association chuan Season Opening atana Super Cup an buatsaihah hian Mizoram chhim lam atanga Mizoram Premier League Club MLS FC, Lawngtlai hi an sawm a ni. He inelnaah hian MPL Club dang pakhat, SYS Lunglei nen Quarter Final lut sa in an khel a, MLS FC hian Quarter Final-ah College Veng Lunglei chu 6-1 in an lo hneh tawh a ni.

Lunglei DFA Super Cup Final ah hian MLS FC Lawngtlai chuan Semi Final danga 4-3 a Ramthar FC te hnehtu Bazar Veng FC Lunglei an hmachawn dawn a. Final hi Ni-11, Zirtawpni, Chawhnu Dar 1:30 ah Thuamluaia Mual ah khelh tur a ni ang.

MLS FC, Lawngtlai hian Mizoram pum huapa Football-a inelna sang ber tih theih Mizoram Premier Leaque Season-12 khel turin in buatsaihna an kalpui mek a, Lawngtlai khawpuiah ngei MPL Club te inkhel kan en thei dawn a ni. MLS FC Lawngtlai chuan Lawngtlai mipuite a tam thei ang ber tawiawm turin an sawm a ni.

#zonews #chanchinthar #infiamna #football