#ZONEWS: Mizorama E-Sports thang zel lawmna leh tihlar leh zualna ni pahfawma, Deezet Gallery ten “Play it Out: Moba Legends 5v5 Tournament” an buatsaih chu July 12, 2025 zanah a hmawr bawk a ni dawn.

#ZONEWS July 8, 2025: Mizorama E-Sports thang zel lawmna leh tihlar leh zualnatur ni pahfawmin, Deezet Gallery ten “Play it Out: Moba Legends 5v5 Tournament” an buatsaih chu July 12, 2025 zanah a hmawr bawk a ni dawn ta.

Deezet Gallery te chuan, July 12, 2025 7:30 PM hian, Dawrpui Multipurpose Hall, Aizawlah, “Play it Out: Moba Legends 5v5 Tournament a buatsaih hmawr an bawk dawn ta a. June 2, 2025 atang khan tournament hi khelh tan ni tawhin, tournament-a tel pawh an thahnem hle a ni. He Esports tournament hi, Mizoram chhunga Esports lo than zelna tur leh, a bikin Mizo thalaite leh naupang zawkte, he lama theihna (talent) nei tha tak te chawhphurna tura buatsaih a ni.

Khawvel pum huapin Esports hi a thang nasain a thang chak khawp mai a, a kheltu (player) leh a ngaihventu (fans) mi maktaduai tam tak awmin, nasa takin a thang mek zel bawk a ni.
India ram, leh Mizoram ngeiah pawh infiamna leh hunawl khawhralna satliah mai ni lovin, tam tak tan eizawnna a tling chho tawh a, khawvel pum huap pawha inpholanna tha tak a tling tawh a ni.

Mizo rawlthar leh thalai naupang zawkte hian esports inelna huangah hian hmabak eng tak an nei a, tunhnai kum chho maia pawh esports-ah Mizo team tha tak tak an lo chhuak ta bawk a.

He tournament-ah hian tualchhung, Mizo team tha te bakah, khawvel huap team (international team) te pawh an tel dawn a ni.

He tournament kharna hun hi Mizoram ex-Sports Minister leh MLA, Pu Robert Romawia Royte chuan khuallian niin a hmanpui dawn a ni.

#zonews #chanchinthar #infiamna #esports