Champhaiah World AIDS Day hmang

#ZONEWS Champhai December 2025: Vawiin khan District AIDS Prevention & Control Committee (DAPCC) bultumin Darthangvunga Traffic Point-ah World AIDS Day hman a ni a, Champhai Addl. DC Pu James Lalnithanga chu khuallian a ni.

Khuallian Pu James Lalnithanga chuan HIV/AIDS chungchang hi dik tak hriata huaisen taka do a tul thu a sawi a, zirchiang turin mipuite a chah. Thisen test hreh te, mi mitmei ven te hian kan hriselna a tibuai thei tih sawiin hawng taka AIDS chungchang sawiho theih hi a pawimawh tih a sawi. Sawrkar hmalakna avangin hmun tam takah mi tam zawk tan in test leh inenkawl a theih tawh tih sawiin inrinhlelhna a awm a nih chuan kal hreh lo turin a fuih a, World AIDS Day ni hian AIDS chungchanga mipuite an fin zawk ngei a beisei thu a sawi.

He hun hi CADP Programme Manager Pi Zosiamkimi Tlau-in a kaihruai a, SSK Manager cum Counsellor Pu T. Lalnunsanga’n AIDS chungchang inhrilhhriatna hun a hmang a, DAPCU Programme Assistant Pu B. Laldinpuia’n lawmthu sawiin hun a khar a ni.

Champhai Nasha Mukt Bharat Abhiyan buatsaih NMBA Drawing & Slogan Writing Competition lawmman khuallian Pu James Lalnithanga’n a sem bawk a, lawmman latute chu:

Drawing
1st – Lalhnehpuii, 1st Semester, BA, Govt. Champhai College
2nd – C. Lalengtluangi, Class X, Einstein Higher Secondary School
3rd – Lalhruaizuala, 1st Semester, BA, Govt. Champhai College

Slogan Writing
1st – Lalfakawma, Class X, Academy of Arts & Science
2nd – Lalmuanpuii, Class XII, Champhai HSS
3rd – Isaac Lalmalsawma, Class X, Academy of Arts & Science