Miss Grand India 2025 – 1st Runner Up Vanlalnuntluangi

#ZONEWS July 15, 2025: Miss Grand India 2025 thlanna Star Entertainment buatsaihah Mizoram aiawha tel Vanlalnuntluangi, Ṭhuampui Veng Aizawl chu pahnihna atan thlan a ni. Miss Grand India 2025 thlanna hi July ni 4 aṭang khan Jaipur-ah ṭan a ni a, inelna hrang hrang neih a nih hnuah July ni 13 khan a hmawr bawk fel a ni ta. Vanlalnuntluangi hian 1st Runner up crown mai bakah sub-title pawimawh tak pahnih ‘Best in Swimsuit’ leh ‘Miss Social Media Queen’ title a dawng tel bawk.

Mizoram aiawha tel Vanlalnuntluangi hian kumin April ni 11 khan online-in audition a pe a, a tling tih hriat a nih veleh a Team tur din nghalin, manager atan Amos Ms Dawngzuala, catwalk trainer Roa Hlondo, Talent show choreographer atan Isaac Lalremruata, National costume designers Paia Pachua leh Daniel Chhakchhuak. Tin, makeup artist atan Makeup by Ruatfela te an ni. An ni hian theihtawpin he inelna atan hian hma an la a, competition neihna hmun Jaipur-ah pawh a Team member-te zing a mi pahnih Paia Pachuau leh Makeup by Ruatfela hian an telpui bawk a ni.

Kan ram tihmingthatu a nih avangin kan tlailam umpawng par ve leh a ni e.