Zofate tan Nitin thuthar rintlak
#ZONEWS July 11, 2025: Nimin July ni 10, 2025 khan Khawzawl District Village Council Association hruaitu thar an inthlanga. Inthlanna hi Zaingen Branch YMA hall-ah Pu C. Lalromawia, Treasurer, All Mizoram Village Council Association kaihhruaina hnuaiah neih a ni.
#ZONEWS July 10, 2025: Ivy Zolenmawii (Kum 26) d/o Tlangliankhuma, Phullen, Mizoram; Mahipalpur, New Delhi-a khawsa mek a ni a, a thiante sawi danin, nizan (9.7.2025 zan) aṭang khan a khua a sik ṭan a, vawiin tlaiah a luak a, a awm dân a chiang kuan loh avângin hospital ah an hruai a, hospital ah hian brought dead an ti ta mai a ni awm e.
#ZONEWS July 10, 2025: Arsenal chuan Danish international Christian Norgaard chu Brentford atangin an la lut fel ta. Christiana hian Arsenal-ah Jersey number 16 a ha dawn a ni.
#ZONEWS July 10, 2025: Vawiin khan Hachhek MLA Pu Robert Romawia Royte chuan Raj Bhavan ah Gen. VP Singh Mizoram Governor chu kawmin Tuidam leh Darlak inkar kawng chhe lutuk chungchang te,CSR projects chungchangte,Aizawl FC chungchang te leh Mizoram hmasawnna tur projects te an sawi dun.
#ZONEWS July 10, 2025: BJP Mizoram chuan CADC Governor Rule puan chungchanga Home Minister Pu K. Sapdanga’n Larsap thutlukna demna thu a sawi chu Mizorama thil la thleng ngai lo a ni tih sawiin pawi antih thu a sawi.
Bhutan-a khelh tur SAFF U17 Womens Championship 2025 -ah Lalhruaizeli Khiangte (Nupuii) chu Assistant Referee tura ruat a ni.
#ZONEWS July 10, 2025: Vawiin chawhnu khan Serchhip District AIDS Prevention and Control Committee (DAPCC) chu an Chairman Pu Paul L Khuma, District Bawrhsap hovin Pisapui Conference Hall-ah an thukhawm.
#ZONEWS July 10, 2025: Vawiin khan Establishment of Hnahthial District Veterinary Hospital, Laboratory & Quarter, cheng nuai 235 (Rs 235 lakhs) a sak, NABARD RIDF-XXVII hmanga fund chu AH&Vety Minister, Pu C. Lalsawivunga chuan khuallian niin a hawng a, Bialtu MLA, Pu Jeje Lalpekhlua chuan khual zahawm niin a tawiawm a ni.
#ZONEWS July 10, 2025: Mizoram Governor in a Discretionary Fund atangin Serchhip District-a Home pangate tan tanpuina sumfai a pe chhuak a. Serchhip DC Pu Paul L Khuma leh SDO (Sadar) Pi Rebecca Laldinmawii Hrahsel te chuan Governor aiawhin vawiin khan an sem chhuak a ni.
#ZONEWS July 10, 2025: Vawiin khan Assembly Constituency hrang hrang – Aizawl South II, Aizawl South III, Champhai North, Champhai South leh South Tuipui huamchhunga Booth Level Officers-te tan training buatsaih a ni. He training hi Election Commission of India in National Training Programme for Booth Level Officers July 2, 2025 – July 17, 2025 chhunga neih tur a tih angin buatsaih a ni. Assembly Constituency dangah pawh neih lehzel tur a ni a, District Election Officer ten anmahni district huamchhung theuhah training program hi an buatsaih dawn a ni.
