Zofate tan Nitin thuthar rintlak
#ZONEWS July 9, 2025: Mizoram Social Defence and Rehabilitation Board, Directorate of Social Welfare leh Working Committee on Ruihhlo Do te buatsaih, ruihhlo hmansual laka inven dan inzirtirna chu vawiin khan khar a ni.
#ZONEWS July 9, 2025: Vawiin chawhma dar 11 khan DC Chamber Khawzawl-ah Khawzawl Town Area huamchhunga African Swine Fever (ASF) leng mek chungchang sawihona hun neih a ni a, Khawzawl Bawrhsap, Pu K. Vanlalthiana’n a kaihruai.
#ZONEWS July 9, 2025: Champhai DC Pu Mohammed Aaquib chuan tun hnaia Myanmar atanga raltlan, Saikhumphai leh Vaphaia mite chu nimin khan tlawhin an harsatna tawh mekte a tahtawla sutkian sak a tum thu a hrilh.
#ZONEWS July 9, 2025: Hnahthial bialtu MLA Pu Jeje Lalpekhlua’n Hnahthial District in Sustainable Development Goals (SDG) (2023 atanga 2024) inkarah District ti tha ber nihna a hauh chu lawmawm a tih thu sawiin, India in kum 2047-a ram hmasawn nih a tumna atana kawng pawimawh tak a nih thu a sawi.
#ZONEWS July 9, 2025: Vawiin khan Rural Development & Administration Minister Prof. Lalnilawma leh SELCO Foundation hotute chu Minister Pisa-ah inkawmin, thingtlanga kuthnathawktute’n an thlai thar chhuahte chhun zan zawma an zawrh theih nan bazar shed/road side market-a power supply changtlung tak pek dan tur an rel.
#ZONEWS July 9, 2025: Vawiin chawhma dar 11:30 khan District Industries Office, Conference Hall, Council Vaih, Siaha-ah Commerce & Industries Department hnuaia mipuite tana hmathatna awm scheme hrang hrang inhrilhhriatna hun hman niin Pu M Misael, Project Director, DRDO leh District Commerce and Industries Officer (DCIO) nibawk chuan he hun hi hmanpuiin training a hawng.
#ZONEWS July 9, 2025: Vawiin khan Lunglei Municipal Council (LMC) chuan Lunglei khawpui chhunga lirthei leh mipui chet velna (traffic) him leh felfai zawk a awm theih nana kawngpui leh a vel cheina leh siam ṭhatna atan kum 2024-2025-a lirthei hun man (parking fee) an khawn chhuah aṭangin cheng nuai 5.41 (₹ 5,41,075/-) chu Lunglei District Police kutah an hlan.
#ZONEWS July 9, 2025: Vawiin khan Kolasib DC Conference Hall ah Disha Study group thutkhawmna neih a ni a. He hun hi Pu Robert C Lalhmangaiha, Kolasib DC chuan kaihruaiin, Dr. Smarajit Chakraborty Adviser, NILERD (National Institute of Labour Economic, Research and Development) Niti Aayog, New Delhi in kalkhawmte zirtirna a pe a ni.
#ZONEWS July 9, 2025: 7-Kamalanagar West MDC By-Election neih tura inpuahchana kal mekah vawiin khan SDO (C) Conference Hall, Chawngteah Draft Electoral Rolls tlangzarhna neih a ni a. Pu Lalnunpuia Renthlei, SDO (C) Chawngte chuan Draft E/ Rolls hi a tlangzarh.
#zonews July 9, 2025: kan ramin kawng tha kan neih theihna tura hma la a, thawk ho zel turin JOINT CIVIL SOCIETY OF MIZORAM (JCM) chu date 8th July 2025 khan din a ni.
