Zofate tan Nitin thuthar rintlak
Mizoram chhung chan chin ziahna
#ZONEWS July 9, 2025: Vawiin khan Rural Development & Administration Minister Prof. Lalnilawma leh SELCO Foundation hotute chu Minister Pisa-ah inkawmin, thingtlanga kuthnathawktute’n an thlai thar chhuahte chhun zan zawma an zawrh theih nan bazar shed/road side market-a power supply changtlung tak pek dan tur an rel.
#ZONEWS July 9, 2025: Vawiin chawhma dar 11:30 khan District Industries Office, Conference Hall, Council Vaih, Siaha-ah Commerce & Industries Department hnuaia mipuite tana hmathatna awm scheme hrang hrang inhrilhhriatna hun hman niin Pu M Misael, Project Director, DRDO leh District Commerce and Industries Officer (DCIO) nibawk chuan he hun hi hmanpuiin training a hawng.
#ZONEWS July 9, 2025: Vawiin khan Lunglei Municipal Council (LMC) chuan Lunglei khawpui chhunga lirthei leh mipui chet velna (traffic) him leh felfai zawk a awm theih nana kawngpui leh a vel cheina leh siam ṭhatna atan kum 2024-2025-a lirthei hun man (parking fee) an khawn chhuah aṭangin cheng nuai 5.41 (₹ 5,41,075/-) chu Lunglei District Police kutah an hlan.
#ZONEWS July 9, 2025: Vawiin khan Kolasib DC Conference Hall ah Disha Study group thutkhawmna neih a ni a. He hun hi Pu Robert C Lalhmangaiha, Kolasib DC chuan kaihruaiin, Dr. Smarajit Chakraborty Adviser, NILERD (National Institute of Labour Economic, Research and Development) Niti Aayog, New Delhi in kalkhawmte zirtirna a pe a ni.
#ZONEWS July 9, 2025: 7-Kamalanagar West MDC By-Election neih tura inpuahchana kal mekah vawiin khan SDO (C) Conference Hall, Chawngteah Draft Electoral Rolls tlangzarhna neih a ni a. Pu Lalnunpuia Renthlei, SDO (C) Chawngte chuan Draft E/ Rolls hi a tlangzarh.
#zonews July 9, 2025: kan ramin kawng tha kan neih theihna tura hma la a, thawk ho zel turin JOINT CIVIL SOCIETY OF MIZORAM (JCM) chu date 8th July 2025 khan din a ni.
#ZONEWS July 9, 2025: Vawiin chhun khan Lunglei atanga chhim lam panna kawngpui chu, Theiriat kawng pheiah a min avangin Motor eng chi mah a kal tlang thei lo a. Lei hi a la tlak deuh reng avangin kawngpui then fai hna pawh thawh hleih theih a la ni lo.
#ZONEWS: Lunglei District Football Association buatsaih LDFA Super Cup-2025-ah MLS FC Lawngtlai ten Final an lut.
#ZONEWS July 8, 2025: Mizorama E-Sports thang zel lawmna leh tihlar leh zualnatur ni pahfawmin, Deezet Gallery ten “Play it Out: Moba Legends 5v5 Tournament” an buatsaih chu July 12, 2025 zanah a hmawr bawk a ni dawn ta.
#ZONEWS July 8, 2025: Vawiin khan END Mamit duty te chuan Mamit Bazar Veng-ah dan lova Grape Wine zuar MART dawr chu an dap niin he dawr aṭang hian Grape Juice chi hrang hrang an man.
