#ZONEWS July 17, 2025: Vawiin khan Thingdawl Vengthar Community Hall-ah NABARD, Kolasib bultumin Promotional Event cum Plantation Drive, 44th NABARD’s Foundation Day denchhenin hun hman a ni a. He hunah hian District Bawrhsap, Pu Robert C. Lalhmangaiha chu khuallian a ni.

#ZONEWS July 17, 2025: Election Commission of India in “National Training Programme for Booth Level Officers” July 2 – 17, 2025 chhunga India ram puma buatsaih tura hriattirna a chhuah angin Mizoramah pawh ni 10.07.2025 atang khan Booth Level Officer 1301 te tan training buatsaih a ni a, vawiin ni 17.07.2025 hian training batch hnuhnung ber chu zawh a ni.

#ZONEWS July 17, 2025: Vawiin chawhma khan Secretariat Conference Hall-II, MINECO-ah Pu Lalnunhlua, Additional Secretary, Social Welfare, Women and Child Development Department kaihhruainain State Level Social Justice Assembly neih a ni.

#ZONEWS July 17, 2025: Vawiin chawhnu dar 2:00 khan Pu Lalnghinglova Hmar, Minister of State, Excise & Narcotics Department hovin MINECO a a office-ah Excise & Narcotics Department hotute leh Vaivakawn Siamtha Pawl hotute an thukhawm a, Vaivakawn veng chhunga ruihhlo ngai pungkhawm nasa thin then thianghlim dan tur ruahmanna an siam.

#ZONEWS July 17, 2025: Vawiin khan Dr. Vanlalthlana, Minister, School Education Department chuan Mizoram Board of School Education Building thar hawnna hun hmanpuiin, Pawl 12 zirlaibu Physics, Chemistry, Biology leh Mathematics, mizo tawnga buatsaih chu a tlangzarh nghal bawk.